Llamata, mana kashpaka millmata muskushpaka; kay punchapi ima ruraytapash paktachinata, mana paktachinkapami shina muskuchin; shina kashpaka imapi kashpapash kullunkapa, mana tuparinkapa, shinallata imamantapash mana rurayta ushanatami willachikun. Chaymanta millmata muskushpaka maymanpash rina kashpaka, mana llukshishpami yallinata yachanchik, tuparinayman kashpaka mana tuparirinkachu nishpa wasipillata sakirinchik.
Soñar la lana de la oveja o el borrego, o a la oveja misma, es porque no se va a dar cumplimiento algún encuentro o trabajo que estuvo planificado para este día.
Shiwita, payshitakashpa pitirikta, pakirikta muskushpaka, hipaman maykanpash ayllu ukupi sawarishkakuna piñanakushpa shikanyarina kaktami willachin; mana kashpaka muyuntipi kawsak ayllukunata, shikanyarishkata uyaytallapash uyankapami muskurin mashikuna.
Soñar un arete, collar o anillo que se rompen o se arrancan, es porque un matrimonio se va ha separar dentro de los familiares o vecinos que le rodean.
Misita muskushpaka, shuwaymi kan. Chaymi ñukanchik wasita, muyunti wasikunata shuwakuna muyushpa purinakun nishpa willachikun. Chaymantami tayta mamakunaka yaypi pakarina, puñuna kanchik ninata yachan.
Soñar un gato, es porque el ladrón está rondando cerca de nuestra casa, por lo que hay que estar alertas.
Kuyita muskushpaka, ñukanchikta imapash unkuy hapituchun, shinallata irkiyankapami muskurin.
Soñar al cuy, significa que va ha enfermarse, o ya le está cogiendo alguna enfermedad.
Wiñay Kawsay: 062572041
www.radioiluman.ec
No hay comentarios:
Publicar un comentario